Sidebar

25
Вс, окт

Пакланюся матулі роднай

ШРИФТ
  • Минимальный Мелкий Средний Большой Максимальный
  • По умолчанию Helvetica Segoe Georgia Times

14 кастрычніка – Дзень маці.

Добрыя, прасякнутыя любоў словы таленавітых паэтаў прысвячаюцца ўсім матулям!


МАТЧЫНЫ СТРОФЫ

Расце сынок,
як дрэўца ў полі…
На рост за тое не сярдуй
і на людзях,
у той жа школе,
яго ўжо,
мама,
не цалуй…

Ён не даецца ўжо на рукі,
дый не падымеш бальшуна!
Усё глыбей яго навукі,
усё мудрэе гамана.

Ён задае пытанняў столькі,
што ўспомніш,
мама,
інстытут!
І ведае твае ўсе болькі,
і адчувае груз пакут.

Імкнецца,
хоць не прызнаецца,
плячо падставіць пад цяжар,
Тваёю бурай
скаланецца,
тваёй імглой
замружыць твар…

А ўжо калі пашчасціць маці,
які ён радасны тады!
І песні голасныя ў хаце,
і ў сшытках меншае бяды…

Матуля шчасце заклікае,
каб не збягала хваляй рэк,
хаця б таму,
што падзяляе
яго з ёй верны чалавек!
(Еўдакія Лось, зборнік «Валошкі на мяжы»)