У 2023 годзе аматары літаратуры адзначаць мноства юбілеяў айчынных пісьменнікаў: Эдзі Агняцвет, Канстанцыі Буйло, Максіма Гарэцкага, Янкі Маўра, Казіміра Камейшы, Навума Гальпяровіча, Яўгеніі Янішчыц, а таксама многіх іншых.

Люблю наш край, старонку гэту,
Дзе я радзілася, расла,
Дзе першы раз пазнала шчасце,
Слязу нядолі праліла.
К. Буйло.

На абанеменце гарадской бібліятэкі №6 арганізавана кніжная выстава “Пяснярка роднага краю” да 130-годдзя з дня нараджэння Канстанцыі Буйло (1893-1986).

30 верасня ў сельскую бібліятэку №17 вёскі Жыцькава завіталі вучні 2 і 3 класа ДУА «Жыцькаўскі вучэбна – педагагічны комплекс дзіцячы сад - сярэдняя школа Барысаўскага раёна» каб пазнаёміцца з кніжнай выстаўкай, прысвечанай 140 годдзю беларускіх пісьменнікаў, Я.Купалы і Я.Коласа “Песняры зямлі беларускай”.

Захавай маю мову, чарговы наш век,
Захавай, як лясы, сенажаці, азёры,
Як світанне ў расе, як сцяжынку ў траве,
Як у жніўнай начы адзінокія зоры.
Н. Гальпяровіч.

На абанеменце гарадской бібліятэкі №6 арганізавана кніжная выстава “Беларуская  культура і мова – маё служэнне” да 75-годдзя з дня нараджэння Навума Гальпяровіча.

Любімым у народзе святам стаў Дзень маці, які адзначаецца 14 касрычніка. З нагоды свята ў гарадской бібліятэцы № 6 з 11 кастрычніка арганізавана выстава “Усё светлае ад сонца, усё добрае ад маці”

Зала літаратуры на замежных мовах прапануе ўвазе наведвальнікаў бібліятэкі выставу, прысвечаную кітайскай паэзіі.
На выставе экспануюцца выданні на беларускай і рускай мовах з фонду аддзела, у якіх прадстаўлены творы кітайскіх паэтаў, напісаныя на працягу больш чым двух тысячагоддзяў - ад глыбокай старажытнасці да сучаснасці. Лепшыя ўзоры традыцыйнай пейзажнай і філасофскай лірыкі суседнічаюць з прыкладамі таго, як новыя тэмы і формы раскрываюцца ў творчасці аўтараў ХХ і ХХІ стагоддзяў.