13 мая дзіцячы аддзел цэнтральнай бібліятэкі наведалі вучні 2 “Б” класа ДУА “Сярэдняя школа № 6 г. Барысава”. У рамках праекта “В некотором царстве, в некотором государстве …” артысты лямцавага тэатра “Вандроўны чамаданчык” падрыхтавалі і паказалі для дзяцей лялечны спектакль “ Мама Му вучыцца катацца на веласіпедзе ”.
Дзеці з захапленнем паглядзелі лялечны спектакль аб самай незвычайнай на свеце карове Маме Му, якая вырашыла навучыцца катацца на веласіпедзе. З дапамогай яе сяброў Лілі і Крумкача яна старанна круціць педалі і акуратна катаецца па дарозе.
Пасля прагляду пастаноўкі спектакля бібліятэкары пазнаёмілі маленькіх гледачоў з серыяй кніг пра Маму Му, аўтарам якіх з`яўляецца шведская пісьменніца Юя Вісландэр, ганаровы член шведскай Акадэміі дзіцячай кнігі.
Кнігі пра Маму Му і Кракса перакладзены на 30 моў і вядомыя ва ўсім свеце.
2021-05-13