Ніякае багацце людзей не бывае даражэйшым за іх родную мову.
Я.Колас
21лютага адзначаецца міжнародны дзень роднай мовы. У сувязі з гэтым, 22 лютага, бібліятэкар сельскай бібліятэкі № 19 сямейнага чытання в.Забашавічы Бык М.П. і настаўнік беларускай мовы і літаратуры Ліпніцкая М.А. правялі турнір знаўцаў З роднай моваю на «ТЫ»”.
У мерапрыемстве прынялі ўдзел настаўнікі і вучні 5- 10 класаў ДУА “Забашавіцкая сярэдняя школа Барысаўскага раёна”. Дзве каманды “Званочкі” і “Каласочкі” выконвалі наступныя заданні “Меню з памылкамі”, “Хто хутчэй”, “Збяры пазлы”, “Знайдзі пару”, “Асалода роднай мовы”, “Паліглоты”, “Чароўны капялюш”, “Літаратурны выльс”. Пагулялі ў гульню “Паэтычныя ланцужкі”. З лікам 58,5 : 57,5 перамогу атрымала каманда “Каласочкі”. Каманда “Званочкі” заняла другое пачэснае месца. Да ўвагі прысутных, быў зроблены агляд літаратуры, якая была прадстаўлена на кніжнай выставе “Родная мова – крыніца празрыстая”.
 |
2021-02-22