Сапраўднай “машынай часу” для вучняў-шасцікласнікаў ДУА «Сярэдняя школа №20» сталі ілюстраваныя выданні аб замках, палацах і вежах, што захаваліся на тэрыторыі сучаснай Беларусі.
У аўторак, на пазнавальным часе «Камяніцы і таямніцы: падарожжа па замках Беларусі» бібліятэкар гарадской бібліятэкі №4 сямейнага чытання распавяла школьнікам пра самыя выдатныя і знакамітыя з іх. Цікавыя звесткі аб старажытных драўляных, пазней – мураваных замках, аб іх прызначэнні, асаблівасцях, уладарах і… тайнах хлопцы і дзяўчаты слухалі уважліва. Час прабег хутка і незаўважна. А для тых у каго ёсць патрэба даведацца падрабязней аб узорах дойлідства тых далёкіх часін, калі ласка, запрашаем звярнуцца да кніжнай выставы, што абавязкова дапаможа ў гэтым.
 |
2021-04-14