18 красавіка ў гарадской бібліятэцы № 1 для вучняў 10 класа ДУА “Сярэдняя школа №17 г. Барысава” адбыўся вечар-партрэт “На сцежках светлае вясны”, прысвечаны 120-годдзю з дня нараджэння беларускага паэта Паўлюка Труса.
Бібліятэкар Наталля Шэбека распавяла аб жыцці і дзейнасці паэта шматграннага таленту, жыццясцвярджальная паэзія якога стала ўзорам “пачуццевай лірыкі” ў беларускай літаратуры. Прысутным былі прапанаваны матэрыялы кніжнай выставы “Буду ў душы маладым!”. Асаблівую ўвагу вучняў прыцягнулі рарытэтныя выданні “Вершы і паэмы” П. Труса 1949 года і “Выбраныя творы” 1953 года выдання.
Падрыхтавала Наталля Шэбека
2024-04-22