15 красавіка сельская бібліятэка в.Ганцавічы арганізавала разам з вучнямі першага класа ДУА “Ганцавіцкі ВПК дзіцячы сад-школа” паказ папяровага тэатра на дыване, па кніжцы “Мяне завуць Лахнэска” беларускай пісьменніцы Алены Масла, якая ў гэтым годзе адзначае 55-гадовы юбілей.
Бібліятэкар А.Янкоўская прапанавала дзеткам размаляваць галоўных герояў гэтага твора па свайму густу, папярэдне пазнаёміўшы іх з маляўнічымі ілюстрацыямі да кнігі, якія зрабіла мастачка Аксана Аракчэева.А потым, утульна размясціўшыся на падлозе, на мяккім дыване, дзеці з задавальненнем, на нейкі час, пераўтварыліся ў Лахнэску, Апалоніка, Жабку і Карову. Напрыканцы сустрэчы бібліятэкар пазнаёміла першакласнікаў з іншымі кнігамі Алены Масла, якія ёсць у сельскай бібліятэцы.
2022-04-15