У гарадской бібліятэцы №6 прайшло мерапрыемства “Праўда і лухта пра вусатага ката”, ў рамках акцыі летняга чытання “Пакліч ў госці казку”. Увазе выхаванцаў Нядзельнай школы пры касцёле і проста чытачам дзіцячай бібліятэкі было прапанавана знаёмства з творчасцю беларускага пісьменніка Анатоля Зэкава.
Яго вершы вельмі блізкія дзецям, бо ён размаўляе з імі на іх дзіцячай мове. Дзеці чыталі ўголас вершы паэта, разгадвалі загадкі, а напрыканцы некаторыя з іх прынялі ўдзел у майстар-класе па вязанню маленькіх фігурак кацянят. Да мерапрыемства была зроблена падборка літаратуры аб нашых хвастатых пітомцах, прадстаўлены кнігі А. Зэкава “Праўда і лухта пра вусатага ката”, М. Маляўкі “Марфутка-імянніца” і В. Зуёнка “Хата , поўная гасцей”.
 |
2021-07-07