У сакавіку ў дзіцяча-юнацкім аддзеле цэнтральнай бібліятэкі арганізавана кніжная выстава, прысвечаная 95-годдзю з Дня нараджэння беларускага пісьменніка Паўла Місько «Дзівосны свет Паўла Місько».
Наша новая выстава пазнаёміць вас з жыццём і творчасцю гэтага выдатнага аўтара, які нарадзіўся ў простай сялянскай сям'і ў вёсцы Старцэвічы на Случчыне і з 1968 года з'яўляўся членам Саюза пісьменнікаў СССР. Павел Місько пакінуў яркі след у літаратуры перш за ўсё як таленавіты дзіцячы пісьменнік.
На выставе прадстаўлены яго самыя вядомыя творы, якія любяць ужо некалькі пакаленняў юных чытачоў: «Прыгоды Бульбобаў», «Прыйдзі, дзень-залацень», «Грот афаліны», «Эрпіды на планеце Зямля» і іншыя.
Творы Паўла Місько – гэта дзіўны сплаў дабрыні, фантазіі і сапраўднай любові да дзяцей. Яго кнігі вучаць юных чытачоў дружбе, сумленнасці і смеласці, а таксама прывіваюць цікавасць да беларускага слова. Запрашаем вас наведаць нашу выставу, каб зноўку адкрыць для сябе гэтага выдатнага аўтара і падарыць сваім дзецям радасць сустрэчы з яго займальнымі гісторыямі.
Выстава будзе дзейнічаць да канца месяца.
2026-03-17