6 сакавіка ў дзіцячым аддзеле цэнтральнай бібліятэкі адбыліся гучныя чытанні «У гасцях у Тамары Бунта» для навучэнцаў 2 «А» класа ДУА «Гімназія № 3 г. Барысава».
Бібліятэкар Аксана Кудзіна расказала дзецям пра вядомую беларускую пісьменніцу Тамару Пятроўну Бунта.
Вялікае спачуванне выклікала ў навучэнцаў гісторыя дзяўчынкі Дашы, змушанай пасля аварыі перасоўвацца ў інвалідным вазку. Пра гэта аўтар расказала ў сваёй кнізе «Сад з матылькамі». Таксама спадабаліся хлопчыкам і дзяўчынкам апавяданні са зборнікаў «Дзяўчынка з вішнёвага завулка» і «Чароўны кошык».
Напрыканцы мерапрыемства дзеці азнаёміліся з кнігамі Тамары Бунта, прадстаўленымі на кніжнай выставе і паглядзелі мультфільм «Адкуль бяруцца матылькі».
Падрыхтавала Аксана Кудзіна.
2024-03-11